茶木‧台式休閒餐廳 (已結業)

今日到旺角行街睇戲,見到瓊華有間茶木，因為好想食佢嘅甜品，就決定上去食晚飯。呢間店係樓上舖，裝修都係以台式休閒餐廳作定位，座位不算寬敞，但以香港的食店空間來說，也算不過不失。有一排無嚟，好似轉咗新餐單喎，所以我哋就揀咗啲特別嘅飲品食物，最重要嘅係要食佢嘅甜品。芒果沙冰造型靚，有好香濃嘅芒果味，仲有果肉㖭！藍莓希臘優格特飲淡淡藍莓味，加上微酸嘅yogurt ，感覺健康又開胃。紅燒半筋半腩牛肚麵好有台灣feel，麵係粗麵，好彈牙，加上炆得恰到好處的牛筋腩和牛肚，聖女茄魚湯煮蛤蜊造型好靚好特別，用小鍋上，熱辣辣。蛤蜊算大，醬汁用聖女茄、魚湯加微辣的Tabasco 煮成，酸酸地，少少辣，濃郁醬汁掛在蛤蜊上，入口鮮甜。我吃完蛤蜊把醬汁都喝光，真心推薦這道菜。黑糖草莓芋圓仙草豆花我的至愛，這甜品內容豐富，用軟滑豆腐花放碗底，上有草莓、芋圓、涼粉、薏米、蘆薈……吃後透心涼。但今次黑糖可能下多了，較我以前吃的有點甜，但黑糖味亦較重。整體來說，今次晚餐保持一貫茶木水準，茶木甜品種類繁多，可惜每次只能吃一、二款，要多來幾次才可試盡其它款式｡