119韓國站 (已結業)

假期見到呢間舖頭未開門都排晒大隊，難得今日經過唔使排隊，又睇過老閭娘介紹話響韓國三年，將韓國地道美食帶入香港，就入去試下，見到餐單，有個餐叫“鐵鏟烤肉鍬紅燒”，賣相唔錯，就叫呢個啦，嘩，餐放枱上，單張見到既肉卷係一舊都無，全盤野得番六條肉碎，每一條肉碎真係細過一條煙肉，個鐵盤淨係東北大白菜 （即係黃牙白囉），少少泡菜，年糕，芋絲，蘿白，簡直就係一個淨菜，忍唔住都要問下幫我炒緊菜果個靚女，佢居然話我知，張相同實際係唔同呀，嘩，都唔係相差咁遠掛，香港依家唔係有商品說明條例既咩，靚女幫我炒咗一輪菜，發覺無落韓國辣醬，補番之後，炒多一陣，就熄爐，叫我哋等一陣，年糕“ 淋” 咗就得，但是果d黃牙白，就連線佢都無辦法炒熟啦，唉，無計啦，中伏啦，唯有照食，希望食得下啦，結果，咩味都無啦，黃牙白炒芋絲，除咗有泡菜同韓國辣醬，根本就咩都無，價值 HK$198，仲要加10%服務費添呀，奉勸各位，唔想做傻仔，千祈咪去試！