Honbo (已結業)

一直都認為漢堡係種好簡單嘅食物，平時食開連鎖快餐店嘅時候唔會太著重漢堡點先叫好食。今日食Honbo嘅cheese burger份量雖然一隻手拎晒，但呢個size唔會大到食得好論盡，或者食到漏晒汁。麵包唔似係買入，外乾內軟，感覺係手工整，唔只望落賣相好睇，仲好夾漢堡嘅餡，非常美味。牛肉煎得好好，外面煎得好香但裡面充滿肉汁。可能係自己做嘅漢堡肉，似乎混合左唔同種類嘅牛肉，口感非常特別。薯條即炸熱辣辣當然好好食，又唔會好咸。如果唔大食叫一客兩人分都夠。餐廳環境寬敞，員工都好好服務，希望之後沙田食飯都可以繼續食到咁好食嘅漢堡。