泰廚泰國菜館

營業中

休息中

今日去左食泰國野， 平時多數都係去九龍城， 因為好似九龍城硬係正宗啲。 但係九龍城始終比旺角尖沙咀吊腳啲，所以今次又黎到金魚街。愛食辣的我， 食泰國菜， 冬蔭公絶對唔少得。 個湯都ok, 正常，感覺唔太多料， 爭少少咁。 隻大頭蝦係好大隻，賣相幾好，但係有啲難去拆，啲殻好硬， 若果剪少少先上會放便啲。沙嗲串燒， 12蚊一串， 都幾平， 味道正正常常。 和牛串燒就貴過雞同豬， 要20蚊一串，有啲韌。鳳爪都ok, 但唔太入味。馬拉盞唔夠香，偏咸食滿200 可以加一蚊換一碟生蝦， 呢度2碟。我自己唔食生野， 朋友話味道可以。飲品麻麻，珍多冰感覺唔太正宗， 有啲hea。