影片
更多
2012-06-30
142 瀏覽
真係出外靠朋友, 因為有一pair 識食既couple , ( 佢地同openrice 創辦人都有交往ga ) ..我先有機會食到香港直正"鮮"既海鮮餐. 位處偏遠既香港仔魚市場, 搭車真係唔識路 . 由朋友發板, 我地一行5人叫左: 海鮮湯, 椒鹽鮮魷,粉絲蒜蓉蒸花甲 椒鹽鮑魚, 豉椒聖子, 清蒸老虎班, 先試椒鹽鮮魷& 粉絲蒜蓉蒸花甲, 同出面坊間食既大有分別, 坊間普遍咬落都似擦膠, 咬唔開最終要硬吞, 呢度咬落去一咬即斷開. 極為新鮮. 再試豉椒聖子, 相比坊間豉椒味完全沒有搶走聖子既鮮甜味 . 接住有椒鹽鮑魚, 據老闆娘講同椒鹽方法炮製鮑魚係佢地首創, 而且極之高難度, 唔可以炸得太耐失去飽魚既鮮味, 呢度絕對造出水準. 清蒸老虎班,蒸得剛剛好, 朋友連汁都撈埋, 骨髓都唔放過. 最後有足料海鮮湯, 材料用上豆腐, 鮮魚( 不同種類) , 蟹, ......鮮甜得不得了, 聽講每日限定出售. 朋友千叮萬囑推介要食西多士, 無論點飽都要試埋, 心唸食海鮮無啦啦食咩西多? 不過一場黎到, 梗係試下啦, 果然.....
由朋友發板, 我地一行5人叫左: 海鮮湯, 椒鹽鮮魷,粉絲蒜蓉蒸花甲 椒鹽鮑魚, 豉椒聖子, 清蒸老虎班,
先試椒鹽鮮魷& 粉絲蒜蓉蒸花甲, 同出面坊間食既大有分別, 坊間普遍咬落都似擦膠, 咬唔開最終要硬吞, 呢度咬落去一咬即斷開. 極為新鮮.
再試豉椒聖子, 相比坊間豉椒味完全沒有搶走聖子既鮮甜味 . 接住有椒鹽鮑魚, 據老闆娘講同椒鹽方法炮製鮑魚係佢地首創, 而且極之高難度, 唔可以炸得太耐失去飽魚既鮮味, 呢度絕對造出水準.
清蒸老虎班,蒸得剛剛好, 朋友連汁都撈埋, 骨髓都唔放過. 最後有足料海鮮湯, 材料用上豆腐, 鮮魚( 不同種類) , 蟹, ......鮮甜得不得了, 聽講每日限定出售.
朋友千叮萬囑推介要食西多士, 無論點飽都要試埋, 心唸食海鮮無啦啦食咩西多? 不過一場黎到, 梗係試下啦, 果然.........
一睇賣相, 已經知係誠意之作, 分開六小件, 件件煎得金黃, 像極椒鹽豆腐, 一咬落去, 真係唔識形容咁好食, 每件有練奶不多不少,本身我係唔多食西多, 因為怕肥死, 但係呢次我都豪不猶豫食左一件半, 真係好好味. 打探過每份西多只廿蚊, 絕對超值食過呢餐海鮮宴, 以後有人提議去流浮山, 鯉魚門.西貢食海鮮睇怕都唔使預我...
題外話/補充資料：
店子只開早市同午市, 有意請預早book 位, 禮拜日莫問.
(以上食評乃用戶個人意見 , 並不代表OpenRice之觀點。)
張貼
