Chop Chop 食神叉燒 (宏安道) (已結業)

晚餐食燒味，揀左黎食神叉燒，呢間餐廳有兩間分店，分別係沙田同北角，今日黎北角店，地鐵站行2分鐘就到，好方便。餐廳裝修幾特別。有啲簡約酒吧feel，無論牆上嘅餐牌，啤酒樽裝飾，都非常特別。食燒味有得飲啤酒？都真係好特別！今晚自己一個，呢度叫得食神叉燒，當然要試下個叉燒，於是食左個叉油雞飯。點左半肥瘦叉燒，口感唔乾又有點油脂，外面燒得甜甜，色澤又夠靚。油雞亦係好嫩滑嘅部位，上面已經有薑蔥。值得一提呢度嘅飯加入左藜麥，夠曬健康。另外跟個餐湯，係經典嘅港式湯，紅蘿蔔豬骨湯，味道濃郁又大碗。飲品揀左熱檸蜜，正正常常啦。總括黎講呢度幾有驚喜，下次可以黎試下啲啤酒。