京都勝牛 (MONTEREY Place) (已結業)

之前經過見到佢地d擺盤已經好想食，成個套餐都好吸引咁，又有好多牛肉選擇，鍾意食牛嘅一定唔可以錯過😝🥓京都勝牛三味套餐牛三味包括菲力牛、翼板牛同醬味薄牛，提得一提係佢哋會嚴選牛肉高質嘅部位，以高溫炸至金黃酥脆，內裏外脆，再沾上各式嘅醬汁，配搭出唔同味道既嫩牛。個人覺得牛肉部位好高質，煎得好靚，好鮮嫩，但唯一敗筆係唔夠熱，感覺唔係即叫即做。三種牛肉相比，我比較鍾意食醬味薄牛，醬汁味道濃厚，有啲入口即溶既感覺🥰🍱鮮嫩脆炸豬柳伴鰻魚套餐炸豬柳好味！配上豬柳汁簡直係十分美味，新鮮香脆。鰻魚都唔錯，不過我比較鍾意食唔炸嘅鰻魚多啲😂 每款套餐都配上麥飯，椰菜沙律同味噌湯。佢哋另一個推介位係有好多種醬汁俾客人選擇，一定有一款你鐘意既。有芥末醬油、山椒鹽、招牌牛排醬、咖喱醬、蔥花蘿蔔蓉汁，好多選擇🙊飲品就揀左芒果奇異果味有汽特飲，味道冇乜特別，偏向芒果味重啲。而白桃蒟蒻冰茶冇乜甜味，啱晒鍾意少甜嘅你