影片
更多
2020-10-23
1288 瀏覽
今次book左哩間專食和牛嘅餐廳食生日飯。🤪餐廳裝修華麗，坐得好舒服，加上餐廳座位吾多，滿座最多坐到20位左右。今次揀左哩個platinum set $1200/位前菜真係認真一般， 帶子正正常常，不過勝在依間餐廳用嘅牛食材都係最頂級嘅。採用左三款和牛部位， 美國熟成牛舌，澳洲和牛小排同埋日本A5和牛牛胸腹。當中熟成牛舌經過一個月嘅乾式熟成，喺特定嘅溫度進行風乾熟成，水份減少但係風味更加濃郁美味！肉身肥美，係我食過當中數一數二最好食嘅牛舌😋其他牛小排同埋牛胸腹油脂分布好均勻，肉質細嫩入口即溶！呢塊和牛A5西冷好香既油脂味， 加上係炭燒，食落口感好似燒香左既乳豬味。第一次用依種食法食西冷牛筋配生菜，完全食落口係會覺得無筋之如會有好爽口既感覺另外仲有得揀和牛烏冬同A5和牛溫泉蛋飯， 我哋兩個人兩樣都揀咗，和牛溫泉蛋飯值得推介，到最后食溫泉蛋飯會有staff幫你成塊和牛係你面前燒，個種好味嘅感覺難以形容😋😋😋整體和牛同埋餐廳氣氛都好好，不過就係前菜同甜品略為遜色， 如果就咁幫牛評分會有9/10， 不過前菜同甜品可以略加心思去改善下😘
今次book左哩間專食和牛嘅餐廳食生日飯。🤪
餐廳裝修華麗，坐得好舒服，加上餐廳座位吾多，滿座最多坐到20位左右。
今次揀左哩個platinum set $1200/位
前菜真係認真一般， 帶子正正常常，不過勝在依間餐廳用嘅牛食材都係最頂級嘅。
採用左三款和牛部位， 美國熟成牛舌，澳洲和牛小排同埋日本A5和牛牛胸腹。
當中熟成牛舌經過一個月嘅乾式熟成，喺特定嘅溫度進行風乾熟成，水份減少但係風味更加濃郁美味！
肉身肥美，係我食過當中數一數二最好食嘅牛舌😋
其他牛小排同埋牛胸腹油脂分布好均勻，肉質細嫩入口即溶！
呢塊和牛A5西冷好香既油脂味， 加上係炭燒，食落口感好似燒香左既乳豬味。
第一次用依種食法食西冷牛筋配生菜，完全食落口係會覺得無筋之如會有好爽口既感覺
另外仲有得揀和牛烏冬同A5和牛溫泉蛋飯， 我哋兩個人兩樣都揀咗，和牛溫泉蛋飯值得推介，到最后食溫泉蛋飯會有staff幫你成塊和牛係你面前燒，個種好味嘅感覺難以形容😋😋😋
整體和牛同埋餐廳氣氛都好好，不過就係前菜同甜品略為遜色， 如果就咁幫牛評分會有9/10， 不過前菜同甜品可以略加心思去改善下😘
張貼
