高佬明食店

營業中

休息中

朋友推介，三五知己夜晚走去食高佬明叫左個奇味雞煲，有得揀大中小辣，第一次食所以揀左小辣試下先。個煲一黎到，嘩都無水GE，點樣滾我最愛GE肥牛呀??原來D 人會係食左煲入面D 雞先，食到咁上下就會有職員黎加水個煲好香濃、好惹味，D雞都幾滑之餘，配料如洋蔥青椒亦變得好好食!!D侍應好勤力好有禮貌，不時會過黎加水，可能怕令個煲GE 味變淡，所以每次都只係加少少，但佢地每次加水都好慇勤，仲會問下我地對個煲有咩意見配料方面都好多選擇，我地叫左牛丸、生菜、響玲卷、山根、肥牛放左落個煲入面全部都好香，尤其係響玲卷，滾10秒左右就夠，誠意推介!!連埋汽水，每人一舊水都唔使~抵食夾好食！