廚房佬餐廳

營業中

休息中

好日都返入屯門。今日約左朋友。早左到。唸住求其食個飯先。咁就去左屯門新墟廚房佬。（利申。已住屯門30年。所以乜乜廚房佬。廚皇之類經常幫襯）。基本上食物無乜好講。茶餐廳50蚊個飯有飲品仲想有乜驚喜?我一直覺得呢間嘢老闆都有少少heart做嘢。例如叫個豬扒飯。總會有粒車厘茄同西蘭花配菜。望落都頓時高檔左。作為食客心中都會笑一下。做嘢最梗要有heart嘛。但係。員工質素真係不敢恭維。扮失明失聰既技倆直迫影后。玩手機甚至進入忘我境界（唔記得左自己返緊工?！）。好辛苦先叫到個黑面既幫我寫單。等我個餐到哂。都無人俾餐具。（印度廚房佬?）。面對影后。唔通自己拎餐具?自助餐?其實真係想轉身就走。好彩收銀果位姐姐見狀立即送餐具過黎。仲講左3次對唔住。我果一刻都定格左2秒。唉。算啦。都道歉了。唯有食啦。食完就上路啦。之後果位姐姐放飯。仲坐下我對面位。我趁機同佢講左幾句。佢又再道歉。唉。唔講啦。夠了。（都唔關你事道歉做乜?正所謂怨有頭債有主）。寫呢篇嘢。目的係提醒廚老闆請人唔該請d有heart既。講完。