船皇 (大埔超級城) (已結業)

疫情下，多左叫外賣係常事。大埔超級城船皇開咗好耐，一路都想試，今日行過見到外賣有八折真係幾吸引，就決定試下。我叫左一個推介嘅船皇湯金邊粉$58俾自己，一個雞絲雞翼撈麵$48俾我細佬，再額外加左個泰妹雞翼$22，八折後$102覺得好似幾抵。但當俾錢時，無諗過咁大間係超級城入面嘅鋪頭竟然只可以俾支付寶同現金，連八達通同信用卡咁普遍嘅付款方式都無（疫情下我會盡量避免現金付款，減少傳播病毒），最後我俾咗現金（好彩有帶😓）。返到屋企我同我細佬就即刻試食，我覺得食物味道一般，好失望......而我細佬就覺得偏咸，而且男仔會覺得唔夠飽。但最令人崩潰嘅係佢竟然漏咗雞翼😱對於好鐘意食雞翼嘅我黎講，真係好崩潰同傷心😭咁亦都變相無八折到，我要用正價食船皇😔總之，我同我細佬食後覺得我哋都唔會再帮襯。