MGB by Manhattan Grill & Bar (已結業)

第一次寫食評，因為真係頂唔順呢間嘢！團購來食，知道係平，但係啲嘢食同服務態度真係好麻麻。由一入門口已經被人擺去啲偏僻位坐，之後叫俾餐單要三催四請，最後仲話團購無得叫happy hour 嘢飲，都算，但餐廳職員之後交頭接耳話我地唔係叫嘢咩，另一個話我地睇下姐而家係你地唔俾我地叫嘢咋，咩態度啊！跟住餐湯唔跟menu ，蘑菇湯變咗南瓜湯，完全唔同我地講，無都講聲啊！啲牛柳燶過舊炭，啲味係苦架。我知我地係用券，你都唔使煮堆致癌物樹皮俾我地架？等我男朋友仲加咗$98去點個羊，點知黎咗3塊鍋撈疑似羊嘅肉，我自己煮唔好？兩個主菜都超級難食！！！呢間嘢絕對無下次！