8鍋臭臭鍋 (金巴利道) (已結業)

本身想去任食火鍋，不過人好多要排隊，又冇book位。去咗附近嘅呢間臭臭鍋，N年前食過一次 ，闊別多年，今次再食有啲失望。食物質素真係麻麻地😑。蒜香牛肉鍋：得一粒沙白，其他食材亦都好普通。肥牛啲肥膏仲多過啲肉😫唔知點食好？！而且個湯底蒜香味，一啲味都無。加錢叫咗台式嘢飲：綠茶加彩色寒天。嚟到嘅時候，其實已經見到有粒黑色嘢係個杯裏面。不過我以為係茶葉冇理到。飲到一半嘅時候，發覺吸上嚟係一粒黑色硬掘掘嘅嘢😣。個人覺得係鑊撈。於是話番畀店員聽，見到佢真係走去過茶煲度，倒啲茶出嚟研究個煲底。佢話係啲茶葉，擺咗好耐，可能洗得唔乾淨，積住喺度。😥最後，佢無收我呢杯飲品錢。雖然佢嘅食物真係好一般，不過都好欣賞店員認真嘅服務態度，唔係hea咗我就算😊。不過應該都唔會再去食，因為覺得唔抵，亦都唔好食。