花見月 (已結業)

星期日坐底，唔多人，叫左兩客魚生飯，都有海膽的。轉頭，兩個定食來到，兩份都冇海膽。我地問點解冇，侍應就話「冇海膽呀」已經幫我地一個轉左做魚子，一個轉左做三文魚。唔好理錢唔錢，廚房冇料唔係應該話番俾客人聽咩？但你問都唔問就幫我轉，仲兩樣都唔同，你跟咩準則去轉既呢？我地唔想哂野，問佢點算，佢話「咁呢兩個void左佢囉，你再揀過兩個」「唔可以剩係換一兩様喎，師傅整左出黎係咁就係架啦喎」「哦，我地唔會浪費架，師傅係入面食左佢架啦」總之就唔肯就咁換過第樣野最後，食物質素普通。我轉左叫三色丼，女友叫了蔥Toro。唔係特別新鮮，不過不失啦。但麵豉湯就夠料，幾好。係科學園冇得揀先可以賣到呢D價。有D侍應自己企埋一邊傾玩，有D就一腳踼。可能，D錢去哂鋪租同門面，一日最衰都係佔中啦，搞到樓價有升冇跌。