FRITES Belgium on Tap (西九匯)

營業中

休息中

收工同朋友嚟到大角嘴呢間Frites Belgium on Tap餐廳，第一次嚟到係食佢哋嘅晚飯，店舖嘅裝修好靚好有格調。食物方面叫咗招牌忌廉青口配酸麵包及薯條，肉質鮮嫩，青口夠大隻，食落帶點鹹鮮味，而且青口整得好入味，另外旁邊有香脆嘅薯條同多士都好好食😋。和牛漢堡配炸蕃薯條，份量好足夠漢堡包好大個，漢堡餡裏面有芝士、煙肉、蕃茄、菜、和牛漢堡扒，餡料非常之豐富。而個漢堡扒肉汁夠鮮嫩，麵包好香脆唔會太淋，整體口感好豐富，味道唔差👍🏻，蕃薯條外脆內軟，食落好香嘅蕃薯味，值得一試。前菜叫咗吞拿魚他他好夠鮮味，混合唔同種類嘅蔬菜，食落口感好豐富，而且擠啲檸汁混合一齊食好開胃，連埋個多士一齊食好夾。