祥記飯店 (已結業)

清明時節，當然係家族拜山日，拜完山之後近十年都係來祥記開飯﹗點解來呢度真係不得而知，總之長輩找到個地方覺得滿意後就每一年都會繼續，一來懶得諗，二來不會因唔好食又意見不合。呢日6:00就來到祥記，服務員仲係開緊飯，竟然叫我地自己入座，仲要燈都唔開，好老實講，你覺得我地早到就唔好俾我地入啦，個個望住我地黑哂面口，真的不好受﹗長輩就梗係話叫我地忍下，話人地食飯我地咁早上來也不好受。在漆黑的環境五分鐘以上，待應終於捨得開燈，再隊壺茶過來，第一句就話"你地7:00pm要交枱架喇"，之後轉身離去，咁既服務態度真係唔知點解可以入米芝蓮﹗有上年紀的又不想走太遠，來到都係要食，待應黑面落單下點了每次也吃的炸子雞、沙鍋津白、糖醋魚執、燒餅、海蜇元蹄、炒麵及蝦仁蛋飯。海蜇夠爽口，燻蹄亦肉香味濃﹔今次隻炸子雞偏細隻，肉少皮多，雖然佢地做個豉油汁做得香甜好味，不過雞唔靚也遜色﹗沙鍋津白是我最愛的一味，湯頭清甜，津白雖簡單煲湯卻有這個吸引力，喝完一碗再一碗。糖醋魚大家也很不滿意，魚上枱已散哂，肉質過腍唔夠實淨，起筷時只夾到碎濕濕的﹗最後以高力豆沙作結，明顯比前兩年吃的都要細隻。幾好味都係假，服務態度欠佳真的令人吃