熊貓小雲吞 (愛民廣場)

營業中

休息中

公司附近餐廳都食到悶悶哋，今日就嗌外賣。同同事一齊揀咗個兩人套餐，套餐會有2碗雲吞或麵，1款配菜，1款甜品及飲品。兩人套餐 ＄148鮮蝦小雲吞每碗會有10粒，份量都比較細，女仔食完都唔會飽。湯底分別要咗招牌重慶酸辣湯同麻辣湯，重慶酸辣湯偏酸但就唔辣，而麻辣湯都幾香，佢哋嘅共通點係食完都好口渴。涼皮嘅質地同平時食到既係完全唔一樣，呢款係偏厚，而且都唔滑。食落味道偏酸，裡面嘅榨菜都好鹹。而紅糖糍粑係呢幾樣食物中最好食，外賣嚟到再擺咗陣表面都仲係脆脆既，裡面就好軟，配上紅糖同黃豆粉，真係幾好食。飲品就可以揀冷泡系列或氮氣飲品，冷泡茶係無糖嘅，飲落似平時茶包泡出嚟嘅味。整體來講，食物嘅價錢同份量都唔成正比，質素都係麻麻哋，如果好似我咁仲要俾運費就更唔抵。