家餸小廚 (啟田道) (已結業)

呢間兩餸飯喺屋企附近，都食過兩三次，但食完今次真係唔會再幫襯。咕嚕肉同炒時蔬個盒都中規中矩，盒蝦同豬扒個份量點會夠食？嬲到攞落去同個呀姐對峙，佢仲要扮晒嘢咁話：「咪三塊豬扒三隻蝦咯！」、「我哋啲蝦新鮮所以咁少呀嘛！」態度極差之餘仲要啲理由九唔搭八，食物份量都唔係重點，啲員工無禮嘅態度真係趕走晒啲客。話晒都係有分店嘅食肆，希望分店管理好自己員工嘅態度同禮儀啦！大失所望，第一次食飯咁嬲，唔會有下次。附上照片，各位自行參考。