龍門一番 上海·紫砂燉湯 (已結業)

一坐低就見到凳上面有牙籤，啲杯同茶壺都唔係好乾淨，有上一手嘅茶葉渣，第一印象已經唔多好。茶就係每人一個壺仔，可以自己揀自己想飲嘅茶，一人一杯，但啲杯就好似玩具咁，好易倒瀉茶。有人蔘烏龍、鐵觀音、茉莉等等。上湯小籠包🥟咬落去爆湯，夠多汁，皮亦薄，不錯鑊仔生煎包🥠第一樣黎竟然係生煎包，包底烘到金黃色，好脆，入面豬肉餡都幾滿，整體都唔會太油帶子粒粒炒飯🍚啲飯炒得唔均勻，亦都痴埋一舊舊，炒飯同帶子分開炒，帶子凍冰冰，飯就夠熱，同埋帶子放埋一邊，似係炒好飯先放上去👎🏻👎🏻非常差上海粗炒🌱亦都係唔夠熱，勝在夠味，但係肉絲就冇乜，得菜同麵底紅燒牛肉麵🍜湯麵應該係比較好嘅一款，湯底熱辣辣，牛肉湯味濃，牛肉唔韌，正正常常嫩雞煨麵🐥想食清淡啲就可以揀佢，雞湯好濃，飲埋都ok，麵底係上海麵，麵質就較腍，配料都幾多，食到最尾個湯仲好滾呢到平日黎食都唔算好多人，已經唔full，但估唔到啲服務都唔得。午飯時間樓面得3個左右，完全應付唔到，員工亦做到燥底。落單後等好耐先有野食，而且不停漏單，其中一份主菜到其他人食完嘅時候先黎，到食完主菜先補黎番前菜。雖然整體味道不錯，但服務令人卻步☹️