為食魚海鮮火鍋專門店 (已結業)

今晚我們去咗旺角白布街嘅「為食魚海鮮火鍋專門店」食晚飯！我們叫咗招牌龍蝦海鮮鍋嘅湯底味道相當鮮甜香濃，龍蝦同蝦肉嘅肉質非常爽甜彈牙，蜆肉嘅味道亦好鮮甜！麻辣鷄煲嘅鷄肉份量都算多，味道我們揀咗少辣，所以唔會好辣，仲有啲甜味，肉質都幾爽滑！脆肉鯇魚腩嘅肉質好爽脆彈牙！豬下青嘅肉質好爽口嫩滑！豬粉腸同豬肚好爽口彈牙，而且清洗得幾乾淨，唔會有怪味！鮮淮山嘅味道清甜爽口，食落感覺好清新！另外再叫咗啲餐前小食：麻辣貢菜嘅口感好爽口脆身！椒鹽三文魚頭同椒鹽鷄軟骨炸得非常金黃酥脆香口，炸粉亦唔算好厚身，三文魚頭嘅肉質好鮮味嫩滑，鷄軟骨嘅肉質好香脆爽口！燒烤波士頓龍蝦經過輕輕燒過，令到肉質更加鮮甜彈牙，加埋舖面嘅蒜蓉，令到味道更加惹味！