海景粥店茶餐廳 (已結業)

今日下午我們去咗旺角亞皆老街嘅「海景粥店茶餐廳」食下午茶！我們叫咗皮蛋魚片粥嘅海底煲得好綿，材料嘅份量超足料，皮蛋好甘香軟滑，魚片相當鮮甜嫩滑，真係幾正呀！海景醒胃餐：羅宋湯螺絲粉配煎蛋、鷄肉腸同多士嘅羅宋湯底相當濃郁，螺絲粉亦幾彈牙，多士唔算烘得好香脆！特餐：鷄中翼火腿通粉配油多士火腿奄列嘅鷄中翼炸到有啲過咗火，食落感覺比較硬身同有啲「粗嚡」，火腿奄列嘅外層煎得都幾香，而且唔算太熟！鷄扒腸仔出前一丁配油多士火腿煎蛋嘅鷄扒煎得色澤好金黃，而且好大塊，肉質好鬆軟嫩滑，而腸仔嘅外皮就比較皺，味道亦有啲鹹！總括：食物嘅出品都幾好，但環境衛生就唔係太好，因餐檯同地面都相當油，有其他食客仲差啲滑倒，衛生情況真係要好好整理吓！