影片
更多
2020-06-17
67 瀏覽
難得疫情好返少少，梗係出番嚟搵食啦，由於朋友話太耐冇飲過酒喇，今次真係要去酒吧飲返呢幾個月都冇飲嘅酒。今次我哋就揀左位於荃灣沙咀道旁嘅Vici Stage ，因為見這間酒吧都新新地，同埋睇食評講呢度主打泰國菜，所以就試下呢間。一入到嚟酒吧其實都幾有情調。同街外真係兩個世界，都播住唔少流行嘅MV 。食物選擇都算唔錯。嚟得呢度梗係要飲酒啦。香煎三文魚配芒果沙沙。呢個做得好好食。佢做到有少少外脆內軟嘅感覺，配上芒果醬同芒果肉酸酸甜甜噉十分開胃。風乾火腿露筍卷。呢味菜就食落好清爽，加上巴拿馬火腿嘅鹹香味，同埋蛋黃醬嘅甜味，食落好有層次。青口煲配麵包。青口入口鮮甜，而佢個白汁上湯用嚟送包亦都非常之好味，再配埋酒就一流喇。冬蔭公海鮮意粉。呢個相信係今次食過嘅入邊最特別嘅一款菜式。冬陰功嘅味道好濃郁，同意粉配搭又幾夾，加上海鮮都好足料，都係誠意推介。Dancing Grape 呢個酒係Gin 做基酒。淨係賣相都幾有特色，飲落去真係好有提子味，酸酸甜甜噉嘅吸引，由於酒味唔濃郁都適合一啲比較少飲酒嘅女仔。Yuzu Forrest 呢個係朋友叫嘅，亦都係令一個好適合女仔飲嘅酒，單憑賣相就可以知道喇，柚子味
難得疫情好返少少，梗係出番嚟搵食啦，由於朋友話太耐冇飲過酒喇，今次真係要去酒吧飲返呢幾個月都冇飲嘅酒。
今次我哋就揀左位於荃灣沙咀道旁嘅Vici Stage ，因為見這間酒吧都新新地，同埋睇食評講呢度主打泰國菜，所以就試下呢間。
一入到嚟酒吧其實都幾有情調。同街外真係兩個世界，都播住唔少流行嘅MV 。
食物選擇都算唔錯。嚟得呢度梗係要飲酒啦。
香煎三文魚配芒果沙沙。
呢個做得好好食。佢做到有少少外脆內軟嘅感覺，配上芒果醬同芒果肉酸酸甜甜噉十分開胃。
風乾火腿露筍卷。
呢味菜就食落好清爽，加上巴拿馬火腿嘅鹹香味，同埋蛋黃醬嘅甜味，食落好有層次。
青口煲配麵包。
青口入口鮮甜，而佢個白汁上湯用嚟送包亦都非常之好味，再配埋酒就一流喇。
冬蔭公海鮮意粉。
呢個相信係今次食過嘅入邊最特別嘅一款菜式。冬陰功嘅味道好濃郁，同意粉配搭又幾夾，加上海鮮都好足料，都係誠意推介。
Dancing Grape
呢個酒係Gin 做基酒。淨係賣相都幾有特色，飲落去真係好有提子味，酸酸甜甜噉嘅吸引，由於酒味唔濃郁都適合一啲比較少飲酒嘅女仔。
Yuzu Forrest
呢個係朋友叫嘅，亦都係令一個好適合女仔飲嘅酒，單憑賣相就可以知道喇，柚子味都係好突出，配上酒同果醬加起嚟就好清新。
呢間酒吧嘅食物真係比我想像中好好多，加埋啲酒都調得唔錯，十分推介大家嚟試下。
張貼
