影片
更多
2023-08-17
1088 瀏覽
我係8年前已經開始幫襯這間上海餐廳,當時我覺得這間餐廳的食物都很不錯,尤其是當時的小籠包的皮夠薄、熱辣辣的,當時的價錢和服務也OK,於是我耐唔耐都會帶埋家人同朋友一齊去食。但直到今日,我對這間餐廳完全改觀,亦決定從今以後會blacklist這間餐廳,不會再光顧,也不會再介紹給其他人今天我去這間餐廳買外賣,有個唔知係經理還是店長的高大四眼仔坐係收銀處到,我走過去叫佢俾張外賣紙我睇下,並禮貌地問咗佢一條關於外賣套餐的問題,但他卻不耐煩地答:「係係係係!」然後我繼續禮貌地問他關於單點的問題,他還是繼續不耐煩地答:「係係係係!」這令我覺得他想催我快D,即係我只准點餸,但不准問問題^_^ 這令我感到很大壓力,本來我還想點多一款餸,但我見他這樣不耐煩,好似覺得我阻住佢咁,於是我也不敢再點更多的食物了,因為我唔想再聽到「係係係係!」到我點完餸、俾埋錢後,這個高大四眼仔連一句「多謝」也沒有,到我拎咗外賣臨走時,他也是連一句「多謝」也沒有,真係很有禮貌呢^_^另外,我也發現這個唔知係經理定店長的高大四眼仔對其他食客也是這樣的,其他食客食完野出去埋單時,他也是連一句「多謝」也沒有^_^ 我甚至還看到他突然
今天我去這間餐廳買外賣,有個唔知係經理還是店長的高大四眼仔坐係收銀處到,我走過去叫佢俾張外賣紙我睇下,並禮貌地問咗佢一條關於外賣套餐的問題,但他卻不耐煩地答:「係係係係!」然後我繼續禮貌地問他關於單點的問題,他還是繼續不耐煩地答:「係係係係!」這令我覺得他想催我快D,即係我只准點餸,但不准問問題^_^ 這令我感到很大壓力,本來我還想點多一款餸,但我見他這樣不耐煩,好似覺得我阻住佢咁,於是我也不敢再點更多的食物了,因為我唔想再聽到「係係係係!」到我點完餸、俾埋錢後,這個高大四眼仔連一句「多謝」也沒有,到我拎咗外賣臨走時,他也是連一句「多謝」也沒有,真係很有禮貌呢^_^
另外,我也發現這個唔知係經理定店長的高大四眼仔對其他食客也是這樣的,其他食客食完野出去埋單時,他也是連一句「多謝」也沒有^_^ 我甚至還看到他突然聲大夾惡地對某些堂食的食客說:「得啦!我哋宜家好忙呀!你等等先啦!我轉頭再過嚟啦,好冇?!」哇! 真係好有禮貌喎~食客講咩我就聽唔到啦(因為太細聲),但佢咁大聲同食客講野,真係全場人望住佢囉,幾威呀 ^_^
食物方面,個紅燒獅子頭雖然仲係熱辣辣,但係好咸! 至於鮮肉小籠包呢,仲經典呀! 係凍冰冰架! 小籠包唔單止連「微溫」也沒有,而係真係凍哂㗎!我從來未食過一D咁凍的小籠包囉~ 唔講既話我仲以為自己食緊冷盤呀 ^_^ 哈哈哈!
仲有呀,我等緊外賣時,個地毯超級污糟,而且feel到有野係我對腳到嬲下嬲下
嗱,唔係得我一個覺得這間餐廳的食物及服務質素大倒退㗎,連其他食客都係咁覺得㗎,唔信的話,歡迎各位睇下這間餐廳的食評及google留言,好多人(甚至一D幫襯多年的老街坊)都話它的食物及服務差咗好多,價錢又貴咗,食物份量又細咗。其實香港有好多其他更好吃、服務更好的上海餐館,所以我奉勸大家無謂再幫襯這間餐廳,免得貼錢買難受啦
張貼