文華扒房及酒吧

營業中

休息中

文華酒店嘅服務真係有水準，全間酒店嘅同事服務都可以完美去到Standard男朋友同我去食，兩個人想Chill 返晚，但係又食唔得多，叫咗一份牛扒、紅酒，另外有跟啲Starter。Starter 都唔錯，係有一塊多士上面有啲類似青醬嘅嘢，但係我哋又唔知佢係咩，侍應哥哥講完我哋都唔太明，反正就係無乜味，怪怪地。除咗呢塊多士之外，其他都好好。之後到主菜牛扒，Side Dish 我哋配咗菠菜同薯條，兩個都做得好食，個菠菜係香到我哋停唔到口。牛扒就由侍應為我哋分好一片片，我哋再自己夾要嘅分量，下面有個爐暖住，食到尾都唔會凍哂，真係幾細心。如果係特別日子，值得同另一半去慶祝，文華嘅水準唔會令你失望。