影片
更多
2014-05-31
3752 瀏覽
同屋企人行行吓想食上海菜走咗去Haysan食南小館。今次係第二次嚟呢間，試咗新嘅 "薯仔鳳尾蝦卷" $28 四粒價錢尚可接受，不過就炸得燶咗啲 放入口，陣燶味完全蓋過晒佢面頭啲醬汁同埋蝦嘅原味… 另外又叫咗 "洛神花紅蘋果" 做甜品，好有心思將團黑糯米包咗喺煮淋嘅袪皮蘋果入面，好味亦唔貴 $28 一份。當然亦有叫返上次有食嘅 "薺菜炒年榚"，好似上次咁好味，不過比上次嚟食 縮水 細碟咗… 然後個小籠包都不過不失汁鮮肉嫩又抵食。小妹最鍾意都係佢哋啲茶，真係好好飲，不過上次問過職員係冇得購買。
當然亦有叫返上次有食嘅 "薺菜炒年榚"，好似上次咁好味，不過比上次嚟食 縮水 細碟咗… 然後個小籠包都不過不失汁鮮肉嫩又抵食。
小妹最鍾意都係佢哋啲茶，真係好好飲，不過上次問過職員係冇得購買。
題外話/補充資料：
見住啲侍應忙到甩晒轆真係想叫多碟菜都唔好意思。我記得一坐抵同我哋落單嘅侍應好陰公地係氣喘喘，兼且係匆匆的來匆匆的趕住去第二枱幫手。然後，有啲好笑係我哋成張單前菜，主菜或炒菜都未到，甜品竟然第一時間放喺我面前… 我諗呢間鋪認真要請多啲人返工喇！
(以上食評乃用戶個人意見 , 並不代表OpenRice之觀點。)
張貼
