太興 (峻峰花園) (已結業)

陪媽行完街後，突然落好大雨，避雨期間兩人都開始肚餓，於是行去筲箕灣港鐵站側邊間太興燒味食午餐，當時餐廳食客都好多，只有一張比較近廚房嘅枱無人坐，我哋都唔介意照坐，然後好快地叫咗兩個午餐，一個係惹味排骨湯麵+熱檸水 $46，另一個台南肉燥煎蛋飯+熱檸水$48。大約五分鐘就送咗兩個餐嚟，我和媽第一時間都先食排骨湯麵，湯底唔錯，可惜排骨嘅肉就比較實，味道都可以，口感就一般，然後大家都食肉燥煎蛋飯，感覺都比排骨湯麵好食，啲肉都容易食好多，好香嘅肉燥香味，好有台灣風味，仲大過台灣嘅肉燥飯好多，兩個餐都有一杯餐飲，我哋都係叫咗熱檸水，兩個人都食得好飽，如果店內環境可以乾淨啲，我就會坐耐啲，可惜唔係，所以食飽就走啦。總結：食物可以，環境一般，收費合理。