影片
更多
2018-04-03
181 瀏覽
呢排突然好想食雞煲，周圍問人有咩好介紹之下，終於有朋友推介我黎呢間滾喜，周街都係雞煲既時勢下朋友都特別推介呢間，今晚一於試下佢！環境：呢度地方好大，座位好寬敞，加上枱與枱之間有一定距離，私人度高，同朋友開懷傾計都唔怕嘈到隔離枱！服務：一入餐廳侍應已經好殷勤帶位同推介雞煲/邊爐湯底同配料，落單冇漏上菜快手，最緊要係全程都好有笑容，朋友遲左半個鐘到，佢地特登幫我地計住時間差唔多先上雞煲，呢d服務就真係值收加一喇！衛生：值得一提既係，一般打邊爐既地方都會比較大油煙，枱凳難免會油油地，但呢間完全唔係咁！可能樓底夠高同清潔做得足，成間舖都新速速既感覺，用具都好乾淨，食得好舒服。味道：先講雞煲，我地揀左細煲同小辣，兩個人食份量岩岩好，我地本身唔食辣既都接受到小辣，雞件比較細件，可能因為咁件件都好入味！鱔片個人十分推介，特登影低幾咁大塊，魚皮滑魚肉爽，而且係真正既冇骨，怕骨既人都可以放心食！呢個蜂巢豆腐煮完真係可以彈開一倍，咁先可以食落爆汁又有口感架嘛！墨魚滑二人份量都幾多，而且食落入面有軟骨，絕對唔係街邊普通凍肉舖既質地，真材實料！菜類都幾多選擇，份量都唔少，一份菜已經夠晒兩個人食！抵食：食完雞煲
環境：呢度地方好大，座位好寬敞，加上枱與枱之間有一定距離，私人度高，同朋友開懷傾計都唔怕嘈到隔離枱！
服務：一入餐廳侍應已經好殷勤帶位同推介雞煲/邊爐湯底同配料，落單冇漏上菜快手，最緊要係全程都好有笑容，朋友遲左半個鐘到，佢地特登幫我地計住時間差唔多先上雞煲，呢d服務就真係值收加一喇！
衛生：值得一提既係，一般打邊爐既地方都會比較大油煙，枱凳難免會油油地，但呢間完全唔係咁！可能樓底夠高同清潔做得足，成間舖都新速速既感覺，用具都好乾淨，食得好舒服。
味道：
先講雞煲，我地揀左細煲同小辣，兩個人食份量岩岩好，我地本身唔食辣既都接受到小辣，雞件比較細件，可能因為咁件件都好入味！
鱔片個人十分推介，特登影低幾咁大塊，魚皮滑魚肉爽，而且係真正既冇骨，怕骨既人都可以放心食！
呢個蜂巢豆腐煮完真係可以彈開一倍，咁先可以食落爆汁又有口感架嘛！
墨魚滑二人份量都幾多，而且食落入面有軟骨，絕對唔係街邊普通凍肉舖既質地，真材實料！
菜類都幾多選擇，份量都唔少，一份菜已經夠晒兩個人食！
抵食：食完雞煲再打邊爐，雞魚肉菜都食齊，都係一人二百蚊都唔使，而且服務好坐得又舒服，抵食啦。
張貼
