小洋蔥 (已結業)

今日下午黎左小洋蒽食lunch，我地兩個人叫左兩個午餐，一個carbonara、一個煎雞扒配意粉，但兩個餐都令我幾失望。首先，個餐包唔熱同硬身，唔夠鬆軟。羅宋湯還可以，有少少檸檬味。而忌廉湯都ok，不過味道可以再豐富啲。Carbonara就完全唔好味。意粉太硬， 而意粉汁就太”傑”，而且味道太淡。至於雞扒，一切就知件雞唔新鮮，而且唔嫩滑。意粉同樣係硬到癲。而個汁就鹹到條痢有啲痺添，真誇張。餐飲叫左凍奶茶同熱華田，普普通通，冇特別。但係佢服務極差。我地係咁揮手話落單都冇人理，有人行過黎就話等陣先啦，連續3個侍應都係咁，最後坐左10分鐘先落到單。我真係唔會再黎呢間餐廳食。