粵 (已結業)

朋友介紹’粵’的食物質素好，咁啱又有家族聚會所以試試，位置方便，地鐵站一出行幾分鐘就到，拖男帶女有老有少都冇問題，不過個名就難記左少少，上網好難揾。。。去到環境唔錯，樓底高裝修靚，座位算好寬敞舒服，服務亦值得一讚，服務員有問必答，仲介紹左幾個非常好的菜式，是晚叫左十個餸加甜品，七味脆豆腐，蔥油海蜇，蜜汁叉燒，是但，杏汁花膠燉蹄筋，荷葉飯，鹽酥雞，脆麻花，仲有個菜同蒸魚。七味脆豆腐－外脆內軟，調味佳，熱辣辣香噴噴蔥油海蜇－幾爽脆蜜汁叉燒－肥瘦適中，味道甘香，不過份量唔多，一人一件冇哂，意猶未盡是但－因為個名得意先叫，原來係蛋白蒸海鮮，個樣冇個名咁出位，不過味道唔錯，蛋白蒸得好滑～～杏汁花膠燉蹄筋－呢個真係要特別推介，先講配料，Ｄ湯渣放在碟上，真係見到一件件又厚又大的花膠，加上蹄筋雞腳同一小碟貼心的鼓油，已經係一個賞心悅目的菜式，湯就更不得了，香濃鮮味，大家都爭住飲多碗來保充骨膠原荷葉飯－唔錯，不是很大， 每個人食少少，荷葉味ＯＫ，有陣陣清香鹽酥雞－好香，肉滑，偏咸，不過餸飯一流咕嚕肉－我的至愛，冇令我失望，好味蒸魚－我未食就俾人食哂…另外要提下英記茶莊的龍井真係唔錯，記得加少少錢轉英記的