影片
更多
2016-02-11
290 瀏覽
今日我地又去覓食工廈啦。今次都係觀塘工廈，係一間好有文青特色嘅cafe。Cafe隱身於一座舊工廈入面，而呢座工廈嘅入口都幾隱閉，我地都花多左少少時間搵入口同lift。啲lift都係上下開合嘅舊式lift, 相當有趣。好彩cafe門面夠靚，唔使再左搵右搵，出lift右轉就見到。一入到Cafe就有驚喜，入面好寛敞，清一色木枱木櫈，裝潢擺設都走清新自然路線，令人好舒服，呢度仲有室外區域，面積比室內更大，仲分有蓋同冇蓋，露天可以曬太陽，有蓋落雨都唔怕，仲有一個少少area俾小朋友玩，相當貼心！呢度都係自助形式，自己搵位，menu喺手推車上面，揀好野食再自行去cashier落order and 俾錢，再由店員送到你張枱。因為我地6點幾就食dinner, cafe都無咩人，唔使等位，野食都算黎得快，等左約10分鐘已經有野飲上枱👍🏻。繽紛樂冰山 $58呢座冰山睇個賣相已經夠震撼，朱古力冰山上面插左半支繽紛樂，好吸引！佢成份係30%朱古力，20%繽紛樂，50%奶，都睇到加食到繽紛樂味，如朱古力+繽紛樂成份重啲會更好，依家奶味偏多。另外，冰粒略嫌大粒左啲，可能有人鍾意有小冰粒有咬口啲，不過對我黎講碎啲就
Cafe隱身於一座舊工廈入面，而呢座工廈嘅入口都幾隱閉，我地都花多左少少時間搵入口同lift。啲lift都係上下開合嘅舊式lift, 相當有趣。
好彩cafe門面夠靚，唔使再左搵右搵，出lift右轉就見到。
一入到Cafe就有驚喜，入面好寛敞，清一色木枱木櫈，裝潢擺設都走清新自然路線，令人好舒服，呢度仲有室外區域，面積比室內更大，仲分有蓋同冇蓋，露天可以曬太陽，有蓋落雨都唔怕，仲有一個少少area俾小朋友玩，相當貼心！
呢度都係自助形式，自己搵位，menu喺手推車上面，揀好野食再自行去cashier落order and 俾錢，再由店員送到你張枱。
因為我地6點幾就食dinner, cafe都無咩人，唔使等位，野食都算黎得快，等左約10分鐘已經有野飲上枱👍🏻。繽紛樂冰山 $58
呢座冰山睇個賣相已經夠震撼，朱古力冰山上面插左半支繽紛樂，好吸引！佢成份係30%朱古力，20%繽紛樂，50%奶，都睇到加食到繽紛樂味，如朱古力+繽紛樂成份重啲會更好，依家奶味偏多。另外，冰粒略嫌大粒左啲，可能有人鍾意有小冰粒有咬口啲，不過對我黎講碎啲就perfect啦。藍莓沙冰 $48
沙冰用左60%藍莓加40%牛奶，好足料， 藍莓味好夠！好fresh好健康！飲曬成杯都冇罪惡感！All Day Breakfast $98
呢個'早餐'真係好豐富！有北海道3.6牛乳炒蛋、牛仔腸、鈕倫堡腸、煙肉、焗豆、蘑菇、沙律、法式牛角酥。個炒蛋好香好滑，like! 可惜牛角酥淋左，如果烤脆烤熱會加返分。香煎帶子墨意粉 $88
烏卒卒嘅墨汁意粉，食到成個嘴、牙都黑曬，好好玩。開頭以為得一粒帶子（面頭個粒），原來仲有幾舊埋藏喺意粉入面。帶子夠大粒夠彈牙，鮮味足，意粉每條都掛滿墨汁，唔會太淋，有少少硬度同咬口，調味簡單，整體唔錯😬。呢間cafe喺裝潢同食物都落足心機，不過店員真係有性格左少少，如果可以友善返少少就好啦🙊🙊
張貼
