船長意法日餐廳 (已結業)

落左兩星期雨有藍天見下,去左元朗搵朋友游早水,游下曬下個幾鐘,又餓又口渴,去左附近西菁街既船長意法日餐廳。見佢門口放左放大哂既餐牌,令人唔洗行到好近都睇到有咩食。我地去到12:30,餐廳幾大間,坐滿哂人,上檯客食完等清潔好我地就有位,食物同飲品好多選擇,唔怪得咁多人。*蜂蜜花梨蜜跟餐$14,好大杯,清甜蜂蜜加上花梨絲蜜,非常解渴。*忌廉奶茶紅豆冰$24,賣相好令呀,好大舊cream溝埋奶茶紅豆,成杯甜品咁呀!*白酒汁煮珍珠蜆$33,超濃洋蔥香草忌廉汁,d蜆好入味又無沙,食蜆時夾埋汁食當濃湯飲。*白汁芝士焗西蘭花$29,份量幾多西蘭花又大舊,仲有洋蔥蘑菇,西蘭花唔算多芝士較清淡,咁就可以食多d。*夏威夷風光Pizza$33,皮好脆,餡料芝士菠蘿火腿夠多,芝士焗得剛好金黃色又香又好味,食既時候唔會掉哂d餡,做得幾好。*蜜燒葡萄柚子雞翼4隻$28,炸好雞翼加埋好多柚子醬汁,食下蘸下再食,朋友說酸酸甜甜有d似咕嚕肉。叫多杯賣相好吸引又大杯既*藍蝶花白桃特飲$28,蝶豆花有飲用禁忌孕婦不適合,但功效唔少,最吸引系含有花青素,會泡出藍色,但花青素會隨酸鹼度不同,呈現出唔同顏色,鹼性-藍色,中性-紫