必勝客

營業中

休息中

細細個就開始食Pizza Hut，講緊係仲有自助沙律吧嗰陣已經幫襯。以前幫襯真係覺得好好味，而家個味道大不如前，新品更加係伏伏伏。所以咁多年來，多數都係叫經典食物。今次叫咗個下午茶餐，價錢係抵，不過味道一般。酥皮忌廉蘑菇雞湯👋🏻忌廉湯嘅蘑菇只得兩塊，湯水好稀，自己整金寶湯仲好味。唯一可取就係塊酥皮，唔係周圍都有酥皮湯。香蒜肉絲意粉👋🏻份量算多，以一人份量嚟講足夠有餘。不過今次個意粉太過濕，豬肉粒又有臊味。幫襯過唔同分店嘅Pizza Hut，都發覺每次嘅食物水準都唔同。今次食完個意仲感到好口渴。雖然對於今次的份量滿意，不過味道的確令人失望😕辣味雞翼👍🏻呢度嘅辣味雞翼味道唔錯，係出面食唔到的！侍應服務一般，上菜嘅時候為求就手將餸菜擺埋一邊就算，擺入少少方便個食客都唔識。至於環境衛生，餐具有啲污糟，要用紙巾抹過先可以用。餐廳對於員工培訓和衛生方面需多加留意。