緻 (已結業)

將軍澳南海旁，有好多間特色餐廳，臨海景觀開陽，又有微微海風吹進，感覺非常舒服～ 行完Donki連接着的天橋就可以直達最近海旁的幾間餐廳。我哋揀咗食日本嘢，「緻」有午市套餐，已包括前菜、沙律、味噌湯，茶碗蒸，價錢$70幾蚊起性價比都相當唔錯。酒嘅款式有好多，午市時段也提供多款特色雞尾酒🍸清酒放題，都只係$128🍶全個星期都有八折或者九折優惠～餐廳門前有一兩張枱屬於半戶外位置，帶埋毛孩來也歡迎～沙律菜新鮮爽脆配日式芝麻醬，製作認真！前菜有韓式泡菜，茶碗蒸香滑有蛋香！味噌湯都係熱辣辣。大灸澳洲牛板腱伴温泉蛋井飯定食$128牛版見鋪滿全碗丼飯，用料十足😍溫泉蛋放中間，非常吸引。牛版腱大大塊，肉質嫩滑，牛味濃郁，灑滿香蔥碎和乾蒜非常美味，沾上溫泉蛋和牛肉汁，飯粒吸滿精華，令人食慾大增！極上刺身五點盛配司飯定食（油甘魚•刺身帶子。鰹魚，劍魚腩，三文魚）$138有五款刺身，油甘魚肥美，劍魚腩囗感柔軟，鰹魚有煙燻味道，帶子甜美～套餐來說刺身質素滿意！凍柚子蜜（跟餐+$10 ）味道濃郁，偏甜。整體食物美味，而且仲有多款串燒，晚市來飲番杯🍶食串燒絕佳享受。🍶🌟