影片
更多
2024-03-20
173 瀏覽
我第一次去呢間餐廳，人未齊但係店員安排我自己先入座。明白午市時間繁忙，店員都算幫手比我入咗先，所以諗住幫我朋友叫咗餐先。朋友想食叉燒蛋飯，而我自己第一次去，所以要睇餐牌，揀咗櫻花蝦叉燒炒蛋飯。我同一位20頭妹妹落單嘅時候講「唔該我要一個叉燒蛋飯，茶走，同埋做一個櫻花蝦叉燒炒蛋飯熱檸茶」，佢好驚訝，問我「你啱啱咪嗌咗叉燒飯囉，又叫？」我先發覺原來呢兩樣嘢係同一款菜式，而且因為我要幫我朋友叫定（而我朋友又未到），佢以為我一個人食兩份餐。原本好小事，但係佢當場就冷笑一下，話「真係好笑」，掉低張單就走咗。佢轉個頭喺我座位1，2米前面同另一位男侍應投訴啲客唔識嗌嘢食，話「啱啱有個人叫完叉燒飯之後又叫櫻花叉燒炒蛋飯，我都唔知佢做乜」⋯⋯搞到我好尷尬，即刻講對唔住。奉勸餐廳，市道艱難，銅鑼灣飲食競爭激烈，記住對員工好啲，唔好做到佢哋咁躁底啊。
朋友想食叉燒蛋飯，而我自己第一次去，所以要睇餐牌，揀咗櫻花蝦叉燒炒蛋飯。
我同一位20頭妹妹落單嘅時候講「唔該我要一個叉燒蛋飯，茶走，同埋做一個櫻花蝦叉燒炒蛋飯熱檸茶」，佢好驚訝，問我「你啱啱咪嗌咗叉燒飯囉，又叫？」
我先發覺原來呢兩樣嘢係同一款菜式，而且因為我要幫我朋友叫定（而我朋友又未到），佢以為我一個人食兩份餐。
原本好小事，但係佢當場就冷笑一下，話「真係好笑」，掉低張單就走咗。
佢轉個頭喺我座位1，2米前面同另一位男侍應投訴啲客唔識嗌嘢食，話「啱啱有個人叫完叉燒飯之後又叫櫻花叉燒炒蛋飯，我都唔知佢做乜」⋯⋯搞到我好尷尬，即刻講對唔住。
奉勸餐廳，市道艱難，銅鑼灣飲食競爭激烈，記住對員工好啲，唔好做到佢哋咁躁底啊。
張貼