隼 (已結業)

成日都見到佢已經火車迴轉壽司餐廳食壽司，今晚放工決定去食。雖然係迴轉壽司餐廳，但係我見到個個都會叫一鍋shabushabu, 我就叫咗牛肉壽喜燒，入面有蟹柳、豆腐、粟米、冬菇、芋絲、金菇、紅蘿蔔，等等，仲配咗半個稻庭烏冬，熱辣辣食落去真係好滿足。入邊嘅壽司好多選擇，三文魚壽司肥瘦均勻，色澤亮麗，賣相不錯味道都好新鮮。軍艦方面揀咗吞拿魚蓉軍艦、龍蝦沙律軍艦、芥末八爪魚等值得一讚係紫菜真係好脆，全部都係新鮮包！料都比得好多，所以食得好開心。牡丹蝦、劍魚同埋貝類都係好新鮮，而且好厚切，飯唔會俾得好多，所以可以食到刺身嘅鮮味。天婦羅炸蝦手卷嘅炸蝦啱啱新鮮炸好，好脆口，而且紫菜都係繼續好爽脆，價錢唔貴，性價比高。