Terrace in seaside (形點 I)

營業中

休息中

今日3月4日，下午我地一行4人見炸雞甜品飲品賣相幾吸引，加上員工頂帽又幾可愛，於是就決定試試，我地坐係水吧收銀附近位置，雖然食物味道幾好，但就食得唔多開心，我地食咁耐，就聽足疑似男店長既未停過閙店員，店內員工基本上後生仔女，只有欵似店長望落成熟d，疑似店長閙店員態度非常差，個個店員都差不多有比佢閙，聽到閙既事項只係小事或我地覺得無需要閙既事。班店員原本都有笑容招呼客人，不停比佢閙到都無晒表情。其實最唔識做，應該係呢個疑似店長，最基本令客人食得開心佢都做唔到，仲好意思閙店員。最應該反思係佢，都唔係教人做嘢，只係閙閙閙。希望老闆或者疑似店長睇到，檢討下唔好每事只識閙，好好地教唔得既，要閙都唔應該係客人面前見到佢地閙，真係食都食得唔安樂。