Cafe Fabulous

營業中

休息中

去咗旺角區嘅呢一間Cafe Fabulous ❤️仲記得我自己好耐之前都想過嚟一次，不過自從出咗去做嘢之後，就已經真係比較少去旺角啦！今日難得放假嘅日子，所以就約咗朋友去咗旺角，順便去咗呢一間Cafe回味一下🤩我哋叫咗一份卡邦尼意粉，呢一個意粉真係幾好味，意粉嘅軟硬度啱啱好！而且上面嘅醬汁亦都好美味！好濃郁嘅香味，而且配合埋呢個意粉一齊食就真係好絕配！咖喱吉列大蝦飯亦都好好味，本身我自己好鍾意食呢個日式嘅咖喱，而且上面嘅吉列炸蝦做得好好，炸粉比例啱啱好，而且咬入口嘅時候依然可以食得到大蝦嘅鮮味同埋彈牙！