影片
更多
2024-09-26
1032 瀏覽
主食1 ：「珍珠元貝大澳蝦醬忌廉汁燴沾麵」好咸嘅蝦醬味、食唔到忌廉汁味，同埋啲麵好硬，個心好似唔熟，難食。主食2：「喇沙蟹肉意大利飯」（辣）我地先食咗飯面上兩舊焦糖波羅、波羅就正常。之後嗶咗一小啖飯食、咸到我唔相信自己個口即刻嗶多一小啖俾我男朋友試（男朋友平時食嘢都食得濃味）男朋友即刻話：哇、好咸！喇沙味唔係好覺有，佢餐牌仲要括住個辣字，唔辣，基本上得個咸字！好似食咗一匙羹鹽咁！由於兩個主食都中伏，麵果個可以話口味問題我地唔岩食。但飯果個真係咸到懷疑人生就唔係口味問題，咁就唯有同個侍應反映個喇沙飯好咸睇佢地點處理啦⋯⋯首先個長長地攣毛嘅男侍應都好好態度嘅，話收返碟嘢問返廚房啦。出返嚟就同我地講話個飯係咁嘅味冇問題嘅，話如果太咸食唔到嘅就幫我地轉過第二樣主食，咁我地都要食嘢嘅，咁就轉第二款飯啦、已揀好第二款飯。點知過冇一陣，就有另一個金髮帶眼鏡嘅男侍應過嚟同我地講，話個飯係咁，真係太咸就叫廚房煮過冇咁咸嘅俾你，話冇得轉第二款，我就話岩岩另一個哥哥仔話可以轉，佢就走埋去同果個哥哥仔唔知講咩啦，又走返嚟話只可叫廚房煮淡啲，咁佢咁堅持，咁咪等佢再煮過囉。於是乎都唔知有冇過5分鐘啦，個飯又出現返
好咸嘅蝦醬味、食唔到忌廉汁味，同埋啲麵好硬，個心好似唔熟，難食。
主食2：「喇沙蟹肉意大利飯」（辣）
我地先食咗飯面上兩舊焦糖波羅、波羅就正常。
之後嗶咗一小啖飯食、咸到我唔相信自己個口
即刻嗶多一小啖俾我男朋友試（男朋友平時食嘢都食得濃味）男朋友即刻話：哇、好咸！
喇沙味唔係好覺有，佢餐牌仲要括住個辣字，唔辣，基本上得個咸字！好似食咗一匙羹鹽咁！
由於兩個主食都中伏，麵果個可以話口味問題我地唔岩食。但飯果個真係咸到懷疑人生就唔係口味問題，咁就唯有同個侍應反映個喇沙飯好咸睇佢地點處理啦⋯⋯
首先個長長地攣毛嘅男侍應都好好態度嘅，話收返碟嘢問返廚房啦。出返嚟就同我地講話個飯係咁嘅味冇問題嘅，話如果太咸食唔到嘅就幫我地轉過第二樣主食，咁我地都要食嘢嘅，咁就轉第二款飯啦、已揀好第二款飯。
點知過冇一陣，就有另一個金髮帶眼鏡嘅男侍應過嚟同我地講，話個飯係咁，真係太咸就叫廚房煮過冇咁咸嘅俾你，話冇得轉第二款，我就話岩岩另一個哥哥仔話可以轉，佢就走埋去同果個哥哥仔唔知講咩啦，又走返嚟話只可叫廚房煮淡啲，咁佢咁堅持，咁咪等佢再煮過囉。
於是乎都唔知有冇過5分鐘啦，個飯又出現返係我地面前啦，（我自己就覺得係冇再重新煮過嘅，只係面頭擺返兩塊波羅就算）試咗啖、都係好咸！！係咪同一碟嘢呢樣我冇證據啦，只係我個人覺得。
果個攣毛哥哥仔都好好態度咁走埋嚟問係咪好啲冇咁咸？我都廢事佢難做，咪話好似有好小小囉。我都廢事再煩！都唔要佢再煮過/換第二款俾我，一陣俾人當西客，俾啲咩我食都唔知，唔敢再食啦。
最後個飯就食咗兩舊波羅，同試咗小小佢嘅蟹肉、個蟹肉好似岩岩浸完鹽水咁，真係咸到出汁！另外個意粉格硬食咗一半，成餐飯都唔知食咗乜，淨係飲咗好多水，真係驚腎虧！
最後埋單都係搵返個攣毛哥哥仔，最後都係忍唔住同返佢講，其實個飯冇分別，都係好咸！
我地就俾咗$341食到一肚氣，真係好嬲好唔開心！！
對上一次食beans係路德圍時
果時食已經覺得嘛嘛地，唔好食
見佢係葵芳開咗，聽啲人講都係唔好食
但由於每次經過都見到好多人排隊，唔試多次唔心息之下就諗住俾多次機會佢試多次啦！
點知中晒大伏！！唔係唔好食！係好難食！
好嬲好唔開心啊！！！！！！！！！！！！！！！！！！！！！
張貼
