仙桃居

營業中

休息中

平日中午係龍門居周圍行，行到呢間細細間，就想一於幫襯下小店👍🏻👍🏻點知一入門，就俾人喝住「出返去等！」唔知以為得罪左佢，第一印象已經差差地😑入到去主要係自助落單要讚既係廚房，因為鹽酥雞、酥炸雞翼同奶油豬都做得好好！外脆內軟，好夠味👍🏻👍🏻肉躁醬都好「台灣」🤣珍珠奶茶🧋淡淡地，都好香奶！整體食物質素真係OK! 而且價錢唔貴，女仔細食仲可以揀「糧尾聲」，碗米線🍜份量少d👍🏻👍🏻對於食物係⭐️⭐️⭐️⭐️⭐️好評但樓面真係麻麻地！可能一入門印象已經唔好，個金髮女仔上菜直頭掉落黎！好厭世。而且我地食左半個鐘，佢有一半時間都係不斷照鏡、撥頭髮，轉個頭繼續唔洗手就上菜，真幾令人唔開胃🤮🤮🤮希望後生女改善下！唔好浪費左小店值得人支持既感覺，同埋廚房既努力。