幸腹滿屋日本料理 (已結業)

其實之前已經幫襯過晚市，覺得食物、服務各方面都唔錯！於是襯今日放假，試食lunch!我叫了個極上魚生飯午餐，有牡丹蝦、Toro、海膽、三文魚子等，新鮮、賣相不錯，確實性價比高，食物質素ok！而一般嘅waiter & waitress 服務亦都好好！唯獨中年男收銀員揸fit人，服務太差、無禮貎！我兩點後入坐、已經過咗lunch高峰時間、開始無咁多人食、於是我要求換一個比較舒適嘅位置食、但佢隨即黑面、仲要補一句如果有人嚟，要換番張枱比人哋坐！其實如果有其他客人嚟，侍應有禮貎同客人講，相信大部分客人亦會配合！但呢位收銀員可能上EQ太差，或者之前遇過無理客人不配合！希望佢能好好改善自己待人接物！要不真係同老闆倒米！