影片
更多
2016-04-18
610 瀏覽
之前食過一次，覺得食物吾錯，今日再幫襯，但真係差天共地。同樣叫了最出名的佳偶天成飯，沙爹肥牛撈丁加兩杯凍檸茶，14:28pm入單，先到兩杯飲品，到14:48pm仍然未有得食，反而遲我落單就有得食，見另一檯客追單，員工大大聲話麵要等十五分鐘，等多陣啦，客人就話等左超過廿分鐘有多，吾等，跟住取消張單走左。我再繼續等，三點鐘我碟飯終於到，兩舊藕餅一切開，裡面未熟兼散哂，飯更是凍的（正常應該係有煙出或者係熱嘅），向員工反映，只見急急收走兩件生藕餅，想影相都吾得，五分鐘後，肥牛丁到了，只有兩片肥牛都吾係問題，但沙爹醬撈麵pat醬就咁放面同咸到入吾到口，同時間，另一客人入舖，同樣叫佳偶天成飯，但五分鐘就上餐，即時問員工攞投訴電話，卻獲遞上一張價錢單張，後來另一員工走上前問咩事，有員工大大聲話有人要投訴呀！跟住更即時收走果碗咸死嘅沙爹醬肥牛丁，我真係覺得好吾尊重客人同好無誠意，最後埋單，兩杯凍檸茶加一碟佳偶天成飯，收左我$64，但兩舊生藕餅無食過，點解吾係收雞扒飯價錢呢？算數，如果吾係之前食過一次覺得好好食，我一定吾會黎，經過呢餐，更加確定就算吾駛錢我都吾會再幫襯。後話，我吾想知呢間食店老闆係點樣培
後話，我吾想知呢間食店老闆係點樣培訓員工嘅顧客服務，但我要嘅係總公司嘅投訴電話，吾係舖頭電話。
張貼
