慶樺海鮮菜館

營業中

休息中

沒有故意來吃，只是路過，見到店舖有啲歷史痕跡，亦都有人幫襯，就入去試吓。餐廳裝修比較懷舊，餐具衛生程度一般，杯杯碟碟同埋水杯都要仔細用熱水洗乾淨先至放心使用。三個人，叫咗一隻乳鴿，三隻鮑魚，六隻扇貝，一碟菜，同埋煎蓮藕肉餅。乳鴿唔係太夠味，普普通通。香煎肉餅唔錯，幾香口，好適合送啤酒。唔記得呢個叫椒鹽鮑魚定係避風塘鮑魚，應該是大連鮑魚。大約$98 /隻，加一後呢碟三百幾，以佢嘅裝修服務同埋地點來說，又唔係太值。扇貝就唔貴，好似$48隻，蒸得比較乾。金銀蛋浸時蔬，呢碟最好食。結論：街坊小菜館，食小菜可以，海鮮之類可以去第二度食。以上食物埋單九百幾蚊，可以有更好選擇。