Shine (已結業)

難得到尖沙咀外勤，放工和同事可以周圍揾下有咩好食，正好很想食塊靚牛扒，openrice了一下，來到shine 。這家位於太子大廈的餐廳未來過，晚飯時間都熱鬧，但慶幸座位寬敞，幾舒服！餐牌選擇頗多，但目標明確，就點了份安格斯肉眼扒和兩杯mocktail！Mocktail先來，名叫romantic story，由橙汁、檸檬汁和梳打混合而成，酸酸甜甜好開胃，夠冰涼解渴！同事的mojito 很清新。飲品上枱一陣，扒都到了，而且個樣好靚，賣相無失望！medium rare 的它燒得好好，焦黃的外圍包著嫩紅的牛肉！火喉控制得很好，牛扒牛味好濃，但肉質保持滑嫩，野菌紅酒燒汁都好夾，而且份量對得住價錢，有成4大塊，件件厚肉！因為同事話飽，我一個人KO一碟牛扒，真心爽，其伴碟薯仔、番茄和蒜頭都好好食，成份主菜都好有質素，大滿足！最後來多個甜品請把我帶走，其實就是Tiramisu。小小的一件上面有士多啤梨，士多啤梨上面更鋪了金箔，簡單但有心思。味道更是有驚喜，甜到控制得十分好，質地很幼滑，食落回甘，差不多一個人清了。簡簡單單三樣食品，已經令我留下了好印象，這家餐廳，值得再來！