Homeland (東昌街) (已結業)

約了Yan到大埔食飯，終於可以去轉Homeland，出名的黃店，食物有水準，必去~Thanks Yan book位呢^_^~!餐廳十分易認，外牆已係指標，充滿街頭藝術的塗鴉。餐廳有兩層，我地坐樓上，裝橫走工業風，感覺型格，夜晚甚有氣氛。餐牌，食物都幾多選擇，多款本地手工啤酒，一於啤啤佢。彩蛋海鹽朱古力啤酒，$68，好奇一試，易入口的啤酒，有微微的朱古力甜味，鹹甜交職，幾有特色。香草牛油蒜香焗田螺，$88，螺肉大粒甘甜，薯蓉幼滑香軟夠熱。甲羅燒蟹膏燉飯，$168，賣相十分吸引，甲羅燒蟹蓋上有好多蟹肉、蟹膏及觸籽，伴燉飯食味道鮮甜口感creamy，好豐富呢。香煎西班牙伊比利亞豬肩肉，$148，豬肩肉厚身，肉質軟腍，口感鬆化又香口，薯蓉香滑好味。食物有水準，坐得幾舒服，下次有機再戰，支持小店。