老三火鍋 (已結業)

自己黎呢度打邊爐已經有好幾次，今次一班舊同學gathering同行8人諗住黎食返次招牌老鴨湯底既hotpot實無死，一早book定位，平日都怕會爆場，點知今次黎，book左原本舊舖，店員就帶左去隔離兩間叫太子火鍋而且黑麻麻既店舖，殘舊唔緊要，黑麻麻都算，坐到入去真係零招呼，調味品前後叫左3 次先加得晒8個人既豉油內，叫左兩個煲底，招牌老鴨湯同蕃薯魚湯底，以往每次食親老鴨湯底店員都會先裝每人一碗，仲好細心地分鴨肉，今次竟然無，失望 , 叫野食時就梗係自己寫晒店員上檯，無左店員佢地細心既服務後，成班同學都表示失望，唔幫忙分湯，起碼都放低個湯(殼)等我地自己整，連呢樣都好，淨係講我自己，已經唔想再返去食老三火鍋。