得龍大飯店 (已搬遷) 新店位置

去得龍開餐得有運氣才行！幾個月前第一次點梅菜扣肉真的驚為天人，可惜上星期再去食，只有幾片又乾又硬的黑色豬肉片，梅菜份量連一茶匙都沒有。上次見隔離枱的燒味飯幾正，今天去點了燒肉燒鵝雙并，送上枱一見，😱分量少得可憐，連原本有的一條青菜也被扣押了，真的好失望😞⋯⋯最慘的是燒肉加送了兩條黑色豬毛，原本已經不多的餸買少見少，今晚才跑馬仔，難道師傅已經預咗要鋪草皮影響了心情⋯講返食物質素，燒肉皮香脆但肉就偏碱，燒鵝肉雖得三小件但亦食得到佢皮香肉亦不太粉，可以單叫。聽說年頭加了價，但牆上的menu 仍未update，所以如果單的收費有出入時未必係佢地收多你㗎。服務員的態度其實無乜問題，提供了最基本的服務，沒有要求，不過收銀個兩個阿姐就不敢恭維啦！