秘密花園1981咖啡店

營業中

休息中

同朋友睇音樂劇前嚟食飯，簡單叫個J餐三文魚凱撒沙律83蚊唔包嘢飲，三文魚得3塊仔，啲菜唔新鮮好乾身仲切得好大塊，有啲仲好苦食唔落口。凱撒沙律得芝士粉做topping，出面同樣價錢可能會落兩種醬同麵包碎，同埋至少會飽。但呢個沙律啲醬好少，啲菜只係大塊，其實分量好少，我一個女仔食完都只係半飽。嘢飲跟餐要半價，其實都要20蚊左右，覺得唔抵就要自己斟水飲。但部水機好殘舊，出水位有好多水垢，啲水飲落有啲鏽及泥味。雖然一齊食嘅朋友們覺得還可以，但我下次絕對唔會再幫襯呢間又貴質素又差嘅餐廳。