蓮．越坊 (已結業)

好耐冇去過堅尼地城，聽聞厚和街有好多間餐廳，今晚在地鐵站附近聽完 seminar 後，就貢去睇嘢有咩食。可能夜的關係，很多餐廳都打烊了。 唯獨是呢間蓮越坊最多人，於是毫不猶豫就走了入去。我叫左個生牛肉金邊粉，味道一般。湯底唔算好濃，生牛肉嘅份量都多。上青檸時無跟辣椒粒，要問先有。辣椒粒唔夠辣。老婆想食清淡啲，就叫咗個青咖哩雜菜飯。飯送到的時候見到佢有三件略略煎過的豆腐，但裏面其實冇乜雜菜。 另一個不足之處，可能雜菜水份太多，食到尾時啲咖哩汁都變曬做咖哩水。另外叫咗一個春卷做小食，呢個相對ok. 不過4舊春卷配兩塊生菜，就好似少咗啲啦。