譚仔三哥米線 (已結業)

今日復活節假期，下午同婆婆食米線。 老人家無牙，食米線淋淋地啱晒。 深水埗附近有很多米線食店，淨係譚仔或譚仔三哥已經有四間，今次同婆婆嚟元洲街呢間，貪佢較大間老人家坐得舒服。 今日雖然係假期﹐但去到店舖唔係咁多人，可能三點幾過左食飯時間。 揀左個近牆邊位置，可以比婆婆挨下。 婆婆同我唔食辣，叫左碗竹笙炸醬清湯米線、竹笙魚腐清湯米線配凍奶茶。 譚仔的竹笙其實真係唔錯，爽得黎有口感又唔韌，不過每碗只可要一份，加錢多一份都唔可以。 炸醬和魚腐好味，清湯有甜味和胡椒味，凍奶茶有餐廳水準，下次想食米線都會返來再食。