金鳳大餐廳 (中染大廈(8咪半))

營業中

休息中

多年前曾經去過灣仔的金鳯食晚餐，咁啱今次探訪朋友及介紹荃灣中染果間食下午茶，一口就答應。去到咁橋午餐可以食到5pm，又咁啱係可以食下午茶餐，各人各有各喜好。遇上我朋友有時會有選擇困難症，所以美中不足係叫餐時有個年長的人士好唔耐煩的吹叫乜嘢，令到我朋友非常之尷尬，急急叫了三個餐及叫佢轉頭再過來。落單時又要每人先落食什麼食物後才一個一個落飲乜，怪怪的。送上食物時，有年輕人送多咗一個湯及麵包，我哋立時話比佢知應該不是我哋的，但年輕人回應多給你們吧（大家都覺得年輕人有善D）！點知一陣兒，年長的用比較重語氣話我哋係咪加湯及包，我哋立時回答是年輕人送的，但我哋都覺得語氣使唔使咁火滾（今時今日不是要提倡禮貌運動啊）。至於食物方面，全是熱的，牛扒鷄扒全是煮得洽到好處，味道唔錯加分，只係朋友話鷄脾比較咸而已。整體食物滿意，服務方面有代改善。店舖乾淨企理，坐得舒適。